Андронов «Арсенал» ва «Астон Вилла» ўйинида голларни тахмин қилди

Англия чемпионатининг 19-тури доирасида Лондоннинг «Арсенал» жамоаси ўз майдонида Бирмингем вакили «Астон Вилла»ни қабул қилади. Ушбу беллашув олдидан таниқли шарҳловчи Алексей Андронов ўз прогнози билан ўртоқлашди. Бу ҳақда euro-football.ru хабар беради.

Андроновнинг фикрича, учрашувда эҳтиёткор, позицион футбол эмас, балки ҳужумкор услуб устун бўлади. У энг мақбул вариант сифатида «иккаласи ҳам гол уради» тикишини тилга олди ва «Астон Вилла» айнан битта гол киритишини кутаётганини айтди.

«Арсенал» – «Астон Вилла» учрашуви бугун, 30 декабрь куни «Эмирейтс» стадионида бўлиб ўтади ва старт ҳуштаги 01:15 да (Тошкент вақти билан) янграйди. Ўйин олдидан «канонирлар» турнир жадвалида пешқадам бўлиб турибди, меҳмонлар эса учинчи ўринда жойлашган.