Максим Глушенков Россия терма жамоасининг 2025 йилини баҳолади

Россия терма жамоаси ва Санкт-Петербургнинг «Зенит» клуби яримҳимоячиси Максим Глушенков миллий жамоа учун 2025 йил қандай ўтганига муносабат билдирди. Бу ҳақда euro-football.ru хабар беради.

26 ёшли футболчининг айтишича, жамоа йилни умуман олганда ёмон ўтказмади. У Чилига қарши учрашувдаги мағлубиятни ҳам фожеа сифатида кўрмаслигини таъкидлаб, мағлубиятсиз серия барибир бир кун тугаши кераклигини эслатди. Глушенковнинг қайд этишича, бу учрашувлар ҳануз расмий мақомга эга эмас.

Ўтаётган йилда Валерий Карпин бошчилигидаги Россия терма жамоаси 10 та ўйин ўтказди: 6 ғалаба, 3 дуранг ва 1 мағлубият қайд этилди.

Эслатиб ўтамиз, 2022 йил февралидан бери Россия терма жамоаси халқаро мусобақаларда иштирок этишдан четлатилган.