Василев Сафонов ўйинини 2025 йилнинг энг ёрқин ғалабаси деди
Биатлон бўйича икки карра Олимпиада чемпиони Дмитрий Василев “ПСЖ” дарвозабони Матвей Сафоновнинг ўйинини россиялик футбол учун 2025 йилдаги энг ёрқин муваффақият сифатида баҳолади. Бу ҳақда euro-football.ru хабар беради.
Василевнинг таъкидлашича, у айнан шундай танлов қилганига сабаб — россиялик клублар еврокубоклар ва бошқа халқаро мусобақалардан четлатилгани.
“Матвей жуда зўр ҳаракат қилди. Бу ҳақиқий феерия бўлди. Финалда у тўртта пенальтини қайтарди”, — дея Василевнинг сўзларини “Match TV” келтирди.
Сафонов FIFA Қитъаларо кубоги финалида “Фламенго”га қарши ўйиндан кейинги пенальтилар сериясида кетма-кет тўртта 11 метрлик зарбани қайтарди.
Шу тариқа у расмий турнирларда бундай натижага эришган тарихдаги илк дарвозабонга айланди.