Бүген “Шәмсенур” паркында "Высокие братья" Мәскәү урам театры тамаша күрсәтте [+ФОТОЛАР]
Анда суыктан курыкмаган һәм Яңа ел кәефен күтәрергә теләүче барча әлмәтлеләр катнаша алды.
Егерме минуттан башлап ярты сәгатькә чаклы сузылган әлеге театр уенында олылар да, балалар да катнашты. “Озын аяк”ларга баскан артистлар белән бергә тамашада барыбыз өчен дә таныш булган төш ияләре, төнге әкиятләрне җыючы һәм саклаучы персонажлар да катнашты. Тамаша ахырында һәр әлмәтлегә мандарин өләштеләр һәм шулай ук истәлек өчен фотога төштеләр.
Театрның Татарстандагы администраторы сүзләренчә, әлеге тамаша республиканың берничә шәһәре буенча күрсәтелә.
- Моңа кадәр күчмә театр Түбән Кама һәм Чаллы шәһәрләрендә чыгыш ясады, ләкин Әлмәттәге кебек җылы аудиторияне әлеге кадәр күргәнебез юк иде, - диде ул.