Капелло Аллегри «Милан» футболчиларини тартибга солишига ишонади
«Милан»нинг собиқ бош мураббийи Фабио Капелло жамоанинг ҳозирги устози Массимилиано Аллегри А Серияда аутсайдер ва ўртамийона рақибларга қарши ўйинларда кўп учраётган муҳим муаммони бартараф эта олишига ишонмоқда. Гап, айнан шундай учрашувларда консентрация пасайиб, жамоа мунтазам очко йўқотаётгани ҳақида бормоқда. Бу ҳақда euro-football.ru хабар беради.
Капеллонинг таъкидлашича, мавсумнинг биринчи қисмида «Милан» ўртамийона жамоаларга қарши баҳсларда айрим вазиятларда эътибор етишмаслиги сабаб қийинчиликларга дуч келган. У Аллегри бу нуқсонни тўғрилаб, жамоа ўйинини тизимлаштиришини кутмоқда, деб ёзади pianetamilan.it.
Айни пайтда «Милан» Италия чемпионати турнир жадвалида иккинчи ўринни эгаллаб турибди.