Дани Олмо сафга қайтди ва «Эспанёл»га қарши ўйнаши мумкин
«Барселона» мухлислари учун қувончли хабар: Дани Олмо жароҳатдан тўлиқ тикланди ва бугун кечқурун «Эспанёл»га қарши учрашувда майдонга тушиши мумкин. Ҳужумчи ўйинолди машғулотларида умумий гуруҳ билан шуғулланди, бу эса у соғлом футболчилар билан бир хил юкламани бемалол кўтараётганини англатади. Бу ҳақда euro-football.ru хабар беради.
Эслатиб ўтамиз, Олмо айнан бир ой аввал Мадриднинг «Атлетико»сига қарши баҳсда жароҳат олганди. Ўша ўйинда у гол урган, бироқ эпизод давомида шикастланган эди.
Ҳозирда «Барселона» Испания чемпионати турнир жадвалида пешқадам бўлиб турибди ва Мадриднинг «Реал»идан 4 очко олдинда. Каталонияликлар сўнгги бор 2025 йилда Ла Лига чемпионлигини қўлга киритган.