Machado skal møte Trump

María Corina Machado reiser til USA neste veke. Det seier president Donald Trump.

– Vel, eg har forstått det slik at ho kjem inn i løpet av neste veke, og eg ser fram til å seie hei til henne, fortel Trump til Fox News.

Machado forlét Venezuela i desember. Ho kom til Oslo for å ta i mot Nobels fredspris etter ei lang og dramatisk flukt frå Venezuela, der ho fekk hjelp av amerikanske styresmakter.

Opposisjonsleiaren er fråtatt passet, ilagt utreiseforbod av regimet og har levd i skjul sidan hausten 2024.