«Штутгарт» Леверкузен сафарда «Байер»ни танаффусгача тор-мор этди

Германия Бундеслигасининг 16-тур учрашувида «Штутгарт» сафарда Леверкузеннинг «Байер» жамоасига қарши йирик ҳисобда устун келмоқда. Бу ҳақда euro-football.ru хабар беради.

Биринчи бўлим якунига келиб меҳмонлар 4:0 ҳисобида олдинга чиқиб олди. «Штутгарт» сафида Жейми Левелинг дубл қайд этди, Максимилиан Миттельштедт пенальтини аниқ амалга оширди, яна бир гол муаллифи — Дениз Ундав.

Мезбонлар учинчи ва тўртинчи голларни биринчи таймнинг сўнгги дақиқаларида, бир дақиқалик оралиқда ўтказиб юборди.

15 турдан кейин «Байер» 29 очко билан турнир жадвалида учинчи ўринда бормоқда. «Штутгарт» ҳисобида 26 очко бор ва жамоа олтинчи поғонани эгаллаб турибди. Агар шваблар ғалаба қозонса, леверкузенликлар билан очколарини тенглаштиради.