FIFA рейтингида Испания етакчи, Марокаш топ-10 га кирди

FIFA расмий сайтида миллий жамоалар рейтинги янгиланди. Марокаш терма жамоаси уйида ўтган Африка кубоги финалида мағлуб бўлса-да, жадвалда 11-ўриндан 8-поғонага кўтарилди. Бу ҳақда euro-football.ru хабар беради.

Рейтингнинг биринчи ўрнида Испания қолмоқда. Кучли ўнталикдан кейинги ўринларни Аргентина, Франция, Англия, Бразилия, Португалия, Нидерландия, Марокаш, Бельгия ва Германия эгаллади.

Хорватия терма жамоаси 11-поғонага тушиб кетди. Африка кубогини қўлга киритган Сенегал эса 12-ўринга кўтарилди — чемпионликдан сўнг сенегалликлар бирданига етти поғона юқорилади.

Аввал хабар қилинганидек, Россия терма жамоаси 36-ўринга пастлади.

FIFA рейтинги кейинги сафар 1-апрель куни янгиланади.