Трент "Реал"ни тарк этиб, "Бавария"га ўтишни хоҳлаяпти

Ҳимоячи Трент Александр-Арнолд ўтган ёзда "Ливерпул"ни тарк этиб, "Реал" сафига қўшилганди. Бироқ унинг Испаниядаги фаолияти кутилганидек кетмаяпти: инглиз футболчисини жароҳатлар безовта қилмоқда. Бу ҳақда euro-football.ru хабар беради.

Defensa Central хабарига кўра, Трент "Реал"даги ҳозирги вазиятидан норози ва ёзги трансфер ойнасида клубини ўзгартириш учун аллақачон муайян қадамлар ташлашни бошлаган. Манбага кўра, Александр-Арнолднинг асосий истаги — "Бавария"га бориш.

Қайд этилишича, бундай трансфер амалга ошиши учун "Реал"нинг розилиги зарур, чунки футболчининг шартномаси 2031 йил ўрталаригча мўлжалланган, товон пули эса 1 миллиард евро этиб белгиланган. Мадрид клуби эса Трент яна юқори савиясига қайтишига ва жамоа учун муҳим ўйинчига айланишига ишонмоқда.