Гвардиола ҳозирча дунёдаги энг кучли жамоани айтди
«Манчестер Сити» бош мураббийи Хосеп Гвардиола бугунги кунда дунё футболида энг кучли клуб сифатида Лондоннинг «Арсенал» жамоасини кўрсатди. Бу ҳақда euro-football.ru хабар беради.
Мутахассис «канонирлар»нинг турли мусобақалардаги барқарор ўйинини алоҳида таъкидлади. Унинг айтишича, «Арсенал» ҳозирча энг юқори даражада кўринмоқда ва «Сити» уларга имкон қадар яқинлашишга ҳаракат қилади.
Англия Премьер-лигасининг 22-туридан кейин «шаҳарликлар» турнир жадвалида иккинчи ўринда бормоқда. Гвардиола шогирдлари пешқадам «Арсенал»дан етти очко ортда қолган.
«Манчестер Сити» навбатдаги учрашувини 24-январ куни ўз майдонида «Вулверҳемптон»га қарши ўтказади.