Узган ел Татарстан юлларында 15 бала һәлак булган

2025 елда Татарстан юлларында балигъ булмаганнар катнашында 465 юл-транспорт һәлакәте булган. Аварияләрдә 15 бала һәлак булган, тагын 497се төрле дәрәҗәдәге җәрәхәтләр алган. Бу хакта «Юл хәрәкәте куркынычсызлыгы» дәүләт бюджет учреждениясе хәбәр итә.

Дәүләт автоинспекциясе мәгълүматлары буенча, балалар катнашындагы юл-транспорт һәлакәтләренең күпчелеге җәяүле балаларга туры килгән: бер ел эчендә 217 шундый очрак теркәлгән. Тагын 150 авария ‑ пассажир балалар катнашында, ә 41 юл‑транспорт һәлакәте йөртүче балалар катнашында булган.