Түбән Кама лицеенда булган һөҗүм очрагыннан соң мәктәпләргә ялган янаулар килә башлаган
Түбән Каманың 37нче лицеенда яшүсмер җыештыручыга һөҗүм иткәннән соң социаль челтәрләрдә башка мәктәпләргә янаулар белән ялган хәбәрләр тарала башлаган.
«Яңалыклар астындагы комментарийлардагы янаулар – провокаторлар яза торган ялган хәбәрләр...», - дип хәбәр иттеләр шәһәр мэриясе матбугат хезмәтендә.
Мондый постларның максаты – җәмгыятьтә паника уяту һәм вазгыятьне тотрыксызландыру, дип билгеләп үттеләр. Шәһәр мэриясендә халыкны эмоцияләргә бирешмәскә чакырдылар.
Исегезгә төшерик, кичә Түбән Кама лицейларының берсендә укучы җыештыручыны пычак белән яралаган һәм сигнал җайланмасыннан аткан. Нәтиҗәдә яшүсмер үзе дә җәрәхәтләр алган. Укучыны Росгвардия хезмәткәрләре тоткарлаган. Яшүсмерне хастаханәгә китергәннәр һәм җинаять эше ачканнар.