Давид Трезеге Буэнос-Айресда «Ривер Плейт» раҳбариятига қўшилди
Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага яна қайтди. У бир вақтлар «Ривер Плейт» сафида тўп суриб, жамоа билан мамлакат иккинчи лигасида чемпионликни ҳам қўлга киритганди. Бу ҳақда euro-football.ru хабар беради.
Бу гал Трезеге майдонга эмас, клуб бошқарувига яқинроқ рол учун келди: у «Ривер Плейт» раҳбарияти таркибидан ўрин олади. Унинг аниқ лавозими очиқланмаган бўлса-да, клуб собиқ футболчини бутун раҳбарият иштирокида расмий тарзда таништирди.
Тақдимотда Трезеге клубнинг стратегик масалалари билан шуғулланиши ва «Ривер Плейт»ни институционал даражада вакиллик қилиши маълум қилинди. Эслатиб ўтамиз, француз футболчи 2015 йилда фаолиятини якунлаган.