Аргентинанинг «Килмес» клуби стадионини янгилашга фанатларни чорлаяпти
1887 йилда ташкил топган «Килмес» Аргентинадаги энг қадимий клублардан бири саналади. Шу боис жамоанинг мухлислари кўп, бироқ ҳозир клуб оғир даврни бошдан кечирмоқда ва қўллаб-қувватлашга муҳтож. Бу ҳақда euro-football.ru хабар беради.
Клуб раҳбарияти стадионни қайта қуриш режасини эълон қилиб, мухлисларга ноодатий таклиф билан мурожаат қилди: гап пул йиғиш ҳақида эмас. «Килмес» фанатларни анъанавий усулда — стадионга келиб, таъмирлаш ва қайта жиҳозлаш ишларида бевосита меҳнат қилишга чақирмоқда.
Жанубий яримшарда жазирама ёз бўлишига қарамай, мухлислар клуб чақириғига мамнуният билан жавоб бериб, ишга киришди.