Россиядә алдауның яңа схемасы барлыкка килгән

Мошенниклар, үзләрен интернет-кибетләрнең китерү хезмәте хезмәткәрләре итеп таныштырып, россиялеләргә шалтырата башлаган. Алдауның яңа схемасы турында РИА Новости хәбәр итә.

Әңгәмә вакытында җинаятьчеләр элек рәсмиләштерелгән һәм инде түләнгән заказны китерүләрен белдерә. Аннары абонентка раслау коды белән СМС килә, аны мошенниклар янәсе мәгълүматларны чагыштыру өчен әйтеп бирергә сорыйлар.

Шул ук вакытта теләсә нинди аныклаучы сорауларны – сатып алу бәясе, заказ составы яки кибет турында – җинаятьчеләр игътибарсыз калдыра һәм кодны тапшыруны сорый.