Мадриднинг “Реал” клуби “Бетис” марказий ҳимоячисига кўз тикди
“Бетис”нинг марказий ҳимоячиси Натан Бернардо де Соуза “Реал”нинг трансфер рўйхатига кириб қолди. Бу ҳақда журналист Экрем Конур ижтимоий тармоқларда маълум қилди. Бу ҳақда euro-football.ru хабар беради.
Манбага кўра, Севилья клуби бразилиялик футболчи учун 40–50 миллион евро атрофида нарх белгилаган. 2030 йил июнигача мўлжалланган амалдаги шартнома эгасига “Челси” ва “Ньюкасл” ҳам қизиқиш билдирмоқда.
Натан 2024 йилдан бери “Бетис” шарафини ҳимоя қилади: у “Наполи”дан 1 миллион еврога ижара асосида келган, кейинги мавсумда эса 9 миллион еврога тўлиқ сотиб олинган.
Жорий мавсумда 24 ёшли ҳимоячи барча мусобақаларда 27 та учрашув ўтказиб, 1 та голли узатма муаллифи бўлди ва 8 марта сариқ карточка олди.