Арбелоа Беллингемдан камроқ югуришни сўраганини айтди
Мадриднинг “Реал” клуби бош мураббийи Альваро Арбелоа ярим ҳимоячи Джуд Беллингемнинг ўйинидаги энг катта жиҳатлардан бирини алоҳида таъкидлади. Бу ҳақда euro-football.ru хабар беради.
Чоршанба куни “қироллик клуби” Чемпионлар лигаси умумий босқичининг сўнгги турида сафарда Португалиянинг “Бенфика” жамоасига қарши майдонга тушади. Учрашув 01:00 да (Тошкент вақти билан) старт олади.
Арбелоанинг айтишича, у яқинда ўтган ўйиндан 48 соат ўтиб Беллингемнинг ёнига бориб, “Джуд, шунча кўп югуришни бас қил”, деган. Мураббий футболчининг тинимсиз ҳаракатини “бу ҳақиқий телбалик” дея баҳолаган.
Маълумот учун, Альваро Арбелоа 12-январ куни “Реал” бош мураббийи этиб тайинланган. Ўша куни клуб Хаби Алонсони лавозимидан озод қилган эди.