«Бавария» Горецка ўрнига кимни кўриб чиқаётгани ҳақида гапирди
Мюнхеннинг «Бавария» клуби спорт директори Кристоф Фройнд Леон Горецка кетганидан кейин таркибни қандай тўлдириш масаласи юзасидан фикр билдирди. Бу ҳақда euro-football.ru хабар беради.
Аввалроқ клуб вакили 30 ёшли ярим ҳимоячи жорий мавсум якунлангач жамоани тарк этишини тасдиқлаган эди.
Фройнднинг айтишича, клуб таркиб бўйича турли сценарийларни аллақачон кўздан кечирган: ижарада юрган ёки асосий жамоада ўйнаб турган иқтидорли ёшлар бор, қарор қабул қилиш учун эса ҳали вақт етарли. Унинг таъкидлашича, олдинда яна беш ой бор, бироқ барча вариантлар жиддий ўйлаб чиқилган.
Горецка бу мавсум барча турнирларда 28 учрашувда майдонга тушиб, 1 гол урди ва ассист қайд этмади. Ёзда унинг шартномаси якунига етади ва келишув узайтирилмайди.