Саратов өлкәсендәге Ивантеевск мәчете юбилей тантаналарына әзерләнә
Саратов өлкәсендәге иң матур мәчетләрнең берсе булган Ивантеевск районының төп мәчете үзенең 30 еллыгын бәйрәм итә. 2026 елның 3 февралендә юбилей чараларында катнашу өчен бирегә төрле төбәкләрдән кунаклар киләчәк. Бу хакта Россия Мөфтиләр шурасы матбугат хезмәте хәбәр итә.
Бу көнне Ивантеевкада һәм күрше Пугачев шәһәрендә тантаналы вакыйгага багышланган төбәк мөселманнары Диния нәзарәте президиумының күчмә утырышы узачак. Мөселман дин әһелләре районнарда 3 һәм 4 февральдә эшләячәк.
Пугачевка сәфәрләре кысаларында кунакларны туган якны өйрәнү музеена экскурсия көтә, ә Ивантеевкада мәчет юбилее уңаеннан кичке аш булачак.
Чарада катнашучылар мөселман гыйбадәтханәсен төзү тарихы турында сөйләшеп кенә калмаячак, кичә программасында шулай ук Саратов өлкәсендә танылган дин әһелләренең чыгышлары, нашидлар һәм шигырьләр башкару, 30 еллыкка әзерләнгән махсус фильм карау, шулай ук хәйрия аукционы да булачак.