Støre seier ja til Epstein-gransking i Stortinget

Statsminister Jonas Gahr Støre seier Arbeidarpartiet vil la kontroll- og konstitusjonskomiteen granske Epstein-saka.

– Det er avgjerande at det blir utvist openheit og at denne saka blir opplyst. Eg meiner det er rett at Stortingets kontrollkomite diskuterer saka, seier han.

Det var VG som først omtalte saka.

Arbeidarpartiet har tidlegare sagt nei til Frps forslag om at regjeringa skulle sette ned ein ekstern granskingskommisjon av UD. Men dei er einige i at det er behov for ein uavhengig gjennomgang, og at Stortinget kan sikre dette, seier Sverre Myrli, som er første nestleiar i kontroll- og konstitusjonskomiteen.

– Eg vil difor ta initiativ til at Stortingets kontroll- og konstitusjonskomite tek opp saka ved første høve, i møtet vårt tysdag.