Анчелотти Эндрикни Бразилияда асосий ҳужумчи сифатида кўрмоқда
Қишда «Реал»дан ижара асосида «Лион»га ўтган ҳужумчи Эндрик янги жамоасида ўзини ёрқин томондан кўрсатмоқда. Шу фонда Бразилия терма жамоаси бош мураббийи Карло Анчелотти футболчини навбатдаги йиғинга жалб қилишни кўзлаётгани ҳақида хабарлар тарқалди. Бу ҳақда euro-football.ru хабар беради.
The Touchline нашри L’Equipe’га таяниб ёзишича, Эндрик март ойидаги халқаро танаффус пайтида Бразилия терма жамоасининг асосий марказий ҳужумчиси сифатида майдонга тушиши кутилмоқда.
Март ойи охирида жаҳон чемпионатига тайёргарлик доирасида Бразилия Франция ва Хорватияга қарши ўртоқлик учрашувларини ўтказади.
Эслатиб ўтамиз, ёзда бўлиб ўтадиган жаҳон чемпионатига АҚШ, Канада ва Мексика мезбонлик қилади.