Ди Мария Аргентинада танқид остида қолди ва баҳслар кучайди

Анхел ди Мария ватани Аргентинага қайтгач, дастлаб яхши натижалар кўрсатди, аммо кейин унинг атрофида салбий фон пайдо бўлди. Гап майдондаги ўйинидан кўра кўпроқ рақиблар ва мухлислар норозилигида: улар футболчи тез-тез йиқилиб, фол ишлатиб вазиятни бўрттиради, деб ҳисобламоқда. Бу ҳақда euro-football.ru хабар беради.

Аргентина чемпионатига бағишланган форумларда ди Мариянинг ҳаракатлари кескин муҳокама қилинмоқда. “Нега ди Мариянинг найранглари учун ҳеч қачон огоҳлантириш берилмайди?”, “У юлдуз, лекин бундай эпизодлар энди тоқат қилиб бўлмайдиган даражада”, “Шундай даражадаги футболчининг пеналти сўраб ўзини ташлаши ачинарли” каби фикрлар кўп учрамоқда. Собиқ “Манчестер Юнайтед” ва “Реал” футболчиси ҳозир “Росарио Сентрал” сафида тўп сурмоқда.