Фенербаҳче Талиска билан шартномани 2028 йилгача узайтирди
Фенербаҳче жамоасининг ҳужумкор ярим ҳимоячиси Андерсон Талиска клуб билан янги меҳнат шартномасини имзолади. Бу ҳақдаги хабар Истанбул клубининг расмий манбаларидан тасдиқланди. Бу ҳақда euro-football.ru хабар беради.
Янгиланган келишувга кўра, бразилиялик футболчи 2028 йил ёзигача Фенербаҳче сафида тўп суришда давом этади.
Талиска Туркияда 2025 йил январидан бери ўйнаб келмоқда. Жорий мавсумда у барча мусобақаларда 33 та учрашувда майдонга тушиб, 19 та гол ва 4 та ассист қайд этди.
Туркия чемпионатининг 20-туридан сўнг Фенербаҳче турнир жадвалида иккинчи ўринда бормоқда ва етакчи Галатасарайдан 6 очко ортда қолган. 10 февраль, душанба куни истанбулликлар Генчлербирлиги билан баҳс олиб боради.