Де Дзердзи «Марсел» ўйинини рус тоғларига қиёслади

Франциянинг «Марсел» клуби бош мураббийи Роберто де Дзердзи жамоасининг ўйинини «рус тоғлари»га ўхшатди. Мутахассис бундай таърифни «ПСЖ»дан 0:5 ҳисобида учралган йирик мағлубиятдан сўнг берди. Бу ҳақда euro-football.ru хабар беради.

«Мавсум жуда нотекис ўтяпти, ҳозирча аниқ изоҳ топа олмайман. Ёмон ўйнадик — «Брюгге»га қарши учрашувдаги каби. Энди ечим излайман. Жамоа ҳозир рус тоғларидек: бир кўтарилади, бир тушади. Бундай ютқазиш мумкин эмас», — деди де Дзердзи.

Айни пайтда «Марсел» Франция чемпионати турнир жадвалида тўртинчи ўринда бормоқда, пешқадам «ПСЖ»дан 12 очко орқада. Кейинги турда клуб ўз майдонида «Страсбург»ни қабул қилади.