Микел Мерино операциядан сўнг қайтиш ҳақида гапирди
"Арсенал" ярим ҳимоячиси Микел Мерино оёғидан олган оғир жароҳати ортидан жарроҳлик амалиётини бошдан кечирди. Футболчи шифохона палатасидан сурат жойлаб, мухлисларига ҳолати ҳақида маълум қилди. Бу ҳақда euro-football.ru хабар беради.
Меринонинг ёзишича, операция муваффақиятли ўтган ва у энди майдонга қайтишга бир қадам яқинлашган. Шунингдек, у қўллаб-қувватловчи хабарлар ва эътибор учун барчага миннатдорлик билдириб, бу унга тикланиш жараёнида янада кўпроқ куч бераётганини таъкидлади.
2025/2026 йилги мавсумда Мерино 33 та учрашувда қатнашиб, 6 та гол урди ва 3 та голли узатмани амалга оширди.
"Арсенал" ҳозирда АПЛ жадвалида пешқадамлик қилмоқда ва клуб 2004 йилдан бери илк бор Англия чемпионлигини қўлга киритишни мақсад қилган.