Framleis ingen pågripne etter drap i Arna

Politiet har framleis ikkje sikta eller pågripe nokon etter drapet i Arna sundag kveld.

Det opplyser politiet i ei pressemelding måndag kveld.

Det betyr at drapet framleis har ein ukjend gjerningsperson. Men politiet meiner at den mistenkte ikkje utgjer ein trussel for folk flest.

Politiet driv rundspørjing i nabolaget i Arna måndag kveld. Dei går også gjennom innsamla materiale.