Томас Тухел Чемпионлар лигаси иштирокчиси клубни бошқариши мумкин
Германиялик мутахассис Томас Тухел ҳозирда Англия терма жамоаси бош мураббийи сифатида фаолият юритмоқда. У 2026 йилги жаҳон чемпионатидан кейин иш жойини ўзгартириши эҳтимоли бор. Бу ҳақда euro-football.ru хабар беради.
Teamtalk журналистлари хабарига кўра, Тухел «Ньюкасл» бош мураббийлиги учун номзодлар қаторида кўриб чиқилмоқда. У «қарғалар»ни бошқараётган Эдди Ҳоунинг ўрнини эгаллаши мумкин, чунки мураббий Премьер-лигадаги омадсиз натижалар сабаб ёзда лавозимидан четлатилиши эҳтимоли бор.
Таъкидлаш жоиз, Тухел Англия чемпионатида ишлаш тажрибасига эга: у аввалроқ Лондоннинг «Челси» жамоасини ҳам бошқарган.
Премьер-лиганинг 25-туридан кейин «Ньюкасл» 33 очко жамғарган ва турнир жадвалида 12-ўринда бормоқда.