Слуцкий бошқарувидаги «Шанхай Шеньюхуа» Осиё Чемпионлар лигасидан чиқиб кетди
Осиё Чемпионлар лигасининг сешанба кунги учрашувида Хитойнинг «Шанхай Шеньюхуа» жамоаси Япониянинг «Матида Зелвия» клубини қабул қилди. Леонид Слуцкий шогирдлари 0:2 ҳисобида мағлуб бўлди. Бу ҳақда euro-football.ru хабар беради.
Меҳмонлар ўйиннинг бошидаёқ ҳисобни очди, якунда эса устунлигини мустаҳкамлади. Ҳар икки гол муаллифи Юки Сома бўлиб, у дубл қайд этди.
Ушбу мағлубиятдан сўнг «Шанхай Шеньюхуа» Осиё Чемпионлар лигаси умумий босқичида плей-оффга чиқиш имкониятини расман бой берди. Етти турдан кейин жамоа бор-йўғи 4 очко жамғарган.
Эслатиб ўтамиз, Леонид Слуцкий Хитой клубини 2023 йил охирида қабул қилиб олган.