Капелло Роналдуни Месси, Марадона ва Роналду билан солиштирмади
Россия терма жамоаси ҳамда Мадриднинг «Реал» клуби собиқ бош мураббийи Фабио Капелло португалиялик ҳужумчи Криштиану Роналду ҳақида фикр билдирди. Бу ҳақда euro-football.ru хабар беради.
Италиялик мутахассиснинг айтишича, Роналду буюк тўпурар ва жуда кучли спортчи. Бироқ Капелло Криштиануда Месси, Марадона ва Роналду даражасидаги табиий даҳо жиҳат етишмаслигини таъкидлаб, уни ушбу уч футболчи билан қиёслаб бўлмаслигини айтди. Мутахассиснинг сўзларини A Bola келтирди.
40 ёшли Роналду ҳозирда Саудия Арабистонининг «Ал-Наср» жамоасида тўп сурмоқда. Унинг амалдаги шартномаси 2027 йил июн ойи охиригача мўлжалланган, трансфер қиймати эса 12 миллион еврога баҳоланмоқда.