«Реал» кийиниш хонасида икки юлдуз ўртасида кескин тортишув бўлди

Мадриднинг «Реал» жамоаси кийиниш хонасида икки етакчи футболчи ўртасида жиддий баҳс юзага келгани ҳақида хабарлар тарқалди. Воқеа Ла Лига доирасида «Леванте»га қарши яқинда ўтказилган учрашув танаффусида содир бўлгани айтилмоқда. Бу ҳақда euro-football.ru хабар беради.

Манбаларга кўра, футболчилардан бири шеригига: «Голлар ураётган бўлсанг ҳам, барибир сендан кучли ўйин кўрмаяпман», деган мазмунда эътироз билдирган.

Томонларнинг исми очиқланмаяпти. Бу ҳақдаги инсайд The Touchline томонидан, El Chiringuito дастурида тез-тез чиқадиган журналист Хуанфре Сансга таяниб келтирилди.

Эслатиб ўтамиз, «Реал» ва «Леванте» 17 январ куни тўқнаш келган. Биринчи бўлимда ҳисоб очилмаган, танаффусдан кейин эса «қироллик клуби» 2:0 ҳисобида ғалаба қозонган: Килиан Мбаппе пенальтидан аниқ зарба берди, Раул Асенсио эса яна бир гол муаллифига айланди.