«Бока Хуниорс» спорт директори лавозимига Марсело Делгадо тайинланди
Аргентина гранди «Бока Хуниорс» клубида спорт директори алмашди: бу лавозимни энди Марсело Делгадо эгаллайди. У клуб президенти Хуан Рикелме билан яқин ҳамкорликда ишлайди. Раҳбарият жамоани тез фурсатда кучайтириш зарурлигини яширмаяпти ва янги тандемнинг асосий вазифаси ҳам айнан шу бўлади. Бу ҳақда euro-football.ru хабар беради.
Делгадо футболчилик фаолиятида ҳам катта тажриба тўплаган. У 1995–2002 йиллар оралиғида Аргентина миллий жамоаси сафида 18 ўйин ўтказган, жумладан 1998 йилги жаҳон чемпионатида ҳам иштирок этган. 2003 йилда эса у «Сантос» ҳужумчиси Рикардо Оливейра билан бирга Либертадорес кубогининг энг сермаҳсул тўпурари бўлганди.