Роналду навбатдаги ўйинда майдонга тушишга қарор қилди
«Ал-Наср» ҳужумчиси Криштиану Роналду яқинлашиб келаётган учрашувда жамоасига ёрдам беради. Бу ҳақда euro-football.ru хабар беради.
41 ёшли футболчи Саудия Арабистони чемпионатида клубининг аввалги икки баҳсида майдонга тушмаган эди. Бироқ ҳозир у якуний қарорини қабул қилиб, жамоа сафида яна ўйнашга тайёр. Журналист Фабритсио Романо хабар беришича, юлдузли португалиялик шанба куни «Ал-Фатех»га қарши ўйинда қатнашиши кутилмоқда. «Ал-Наср» футболчилари аллақачон учрашув бўлиб ўтадиган Ал-Ҳасага етиб борган.
Ўйин 22:30 да (Тошкент вақти билан) старт олади. Ҳозирда «Ал-Наср» Саудия лигаси турнир жадвалида учинчи ўринда бормоқда.