Капелло Бастонининг ҳакамни алдаганини кескин қоралади

Италиялик таниқли мутахассис Фабио Капелло, аввал Мадриднинг «Реал» клуби ҳамда Россия терма жамоасида ишлаган мураббий, А Сериянинг «Интер» – «Ювентус» учрашувида (3:2) юз берган баҳсли эпизод ҳақида фикр билдирди. Ўйинда туринликлар ҳимоячиси Пьер Калулу қизил карточка олди. Бу ҳақда euro-football.ru хабар беради.

Капеллонинг айтишича, Италия терма жамоаси футболчиси Алессандро Бастони ўзини бундай тутмаслиги керак. Мураббий симуляция орқали ҳакамни чалғитган ҳолатни «жирканч» деб атади ва «Интер» бош мураббийи Кивунун ўйинчисини оқлаётгандек кўринган гаплари ҳам уни ранжитганини таъкидлади. Бу фикрларни Gazzetta dello Sport нашри келтирди.

Ушбу ғалабадан сўнг «нерадзуррилар» А Серия турнир жадвалида пешқадамлигини мустаҳкамлади, «кекса синьора» эса бешинчи поғонада бормоқда.