Моуринью Реалга қарши ўйинда Трубинни ҳужумга қўймайди
Лиссабоннинг "Бенфика" жамоаси бош мураббийи Жозе Моуринью ЕЧЛ доирасида Мадриднинг "Реал"ига қарши бўладиган илк плей-офф учрашуви олдидан фикр билдирди. Бу ҳақда euro-football.ru хабар беради.
Мутахассиснинг таъкидлашича, бу баҳс қарама-қаршиликнинг фақат биринчи бўлаги холос. Шунингдек, Моуринью "Бенфика" ҳужум чизиғида Трубин майдонга тушмаслигини айтди. Унинг сўзларига кўра, илк ўйинда муайян натижага эришиш муҳимлиги ҳақида гаплар бўлса-да, бу якуний ҳукм бўлмайди.
"Бенфика" – "Реал" учрашуви 17-феврал, сешанба куни Тошкент вақти билан 01:00 да старт олади.
Жавоб ўйини бир ҳафтадан сўнг "Сантяго Бернабеу" стадионида ўтказилади.