Қирғизистонда бир кунда уч вазир расман истеъфога чиқарилди
0
Қирғизистонда бир кунда бир йўла уч нафар вазир лавозимидан озод этилди. Жорий йил 16 феврал куни мамлакат президенти — Садир Жапаров томонидан тегишли фармонлар имзоланди.
Қабул қилинган қарорларга мувофиқ, транспорт ва коммуникациялар вазири Абсаттар Сирғабоев лавозимидан четлатилди. Ушбу вазирлик раҳбари вазифасини вақтинча бажариш Талантбек Солтобаев зиммасига юклатилди.
Шунингдек, табиий ресурслар, экология ва техник назорат вазири Медер Машиев ҳам истеъфога чиқди. Унинг ўрнига вазир вазифасини бажарувчи этиб Ақил Токтобаев тайинланди.
Бундан ташқари, фавқулодда вазиятлар вазири Бообек Ажикеев ҳам ўз лавозимидан озод қилинди. Мазкур лавозимга вақтинча раҳбар сифатида Урматбек Шамирканов тайинланди.