Кассано: «Милан» услуби 80-йилларни эслатади, деди

Италия А Сериясининг собиқ ҳужумчиси Антонио Кассано «Милан»га нисбатан кескин танқидлари билан яхши таниш. У йиллар давомида «россонери»ни аямасликни бас қилмай келади ва бу сафар ҳам клубнинг янги бош мураббийи Массимилиано Аллегри қураётган ўйинда ижобий жиҳат кўрмаётганини айтди. Бу ҳақда euro-football.ru хабар беради.

Кассано фикрича, «Милан» бу йил атиги уч учрашувда муносиб футбол кўрсата олган: «Болонья»га қарши икки ўйин ва «Удинезе» билан баҳс. Унинг таъкидлашича, жамоада аниқ ғоя йўқ, бошқа клубларда эса ўйин фалсафаси сезилиб туради. «Милан» эса худди 80-йиллар футболини ўйнаётгандек кўринади, дея у pianetamilan.it нашрига берган изоҳида.

Ҳозирда «Милан» А Серия турнир жадвалида иккинчи ўринда бормоқда. Жамоа чоршанба куни «Комо»га қарши майдонга тушади.