Карер Моуринюнинг Винисиус ҳақидаги гапларига муносабат билдирди
Англия футболининг собиқ вакили Жейми Карер «Бенфика» бош мураббийи Жозе Моуринюнинг Мадриднинг «Реал» ҳужумчиси Винисиус Жуниор ҳақида айтган фикрларига муносабат билдирди. Бу ҳақда euro-football.ru хабар беради.
Португалиялик мутахассис бразилиялик футболчининг мухлислар қаршисида голни нишонлаш услубидан норозилигини яширмаган эди.
Карер эса бундай танқид айнан Моуриню томонидан янграганини ғалати деб атади: «Буни Жозедан эшитиш ажабланарли. Унинг ўзи голларни қандай нишонлашини биламиз. Винисиус хоҳлаганча қувонишга ҳақли», — деди у CBS Sports студиясида ўйинни таҳлил қилар экан.
Учрашувдаги ягона гол 50-дақиқада Винисиус томонидан урилди. Қарама-қаршиликнинг жавоб беллашуви 25-февраль куни «Сантйаго Бернабеу» стадионида бўлиб ўтади.