Эспозито «Интер» сафида Чемпионлар Лигаси плей-оффида тарихга кирди
Чемпионлар Лигаси плей-оффининг илк учрашувида Миланнинг «Интер»и Норвегияда «Будё-Глимт»га 1:3 ҳисобида имкониятни бой берди. Италияликлар сафидаги ягона голни 30-дақиқада Франческо Пио Эспозито урди. Бу ҳақда euro-football.ru хабар беради.
Ҳозирда 20 ёш 235 кунлик бўлган Эспозито «Интер» тарихида Европанинг энг нуфузли клуб турнири плей-оффида гол урган иккинчи энг ёш футболчига айланди. Бу кўрсаткич бўйича ундан фақат Обафеми Мартинс ёшроқ пайтда гол муаллифи бўлган.
Жавоб баҳси бир ҳафтадан кейин Миланда бўлиб ўтади. «Интер» сўнгги уч йил ичида Чемпионлар Лигасида икки марта финалга чиқишга ҳам эришган.