«Бока Хуниорс» янги спорт директорини расман таништирди
Аргентина гранди «Бока Хуниорс» спорт директори лавозимига Марсело Делгадо тайинланганини эълон қилди. У клуб президенти Хуан Рикельме билан яқин ҳамкорликда ишлайди. Эслатиб ўтамиз, Рикельме аввал «Барселона» сафида ҳам тўп сурган. Бу ҳақда euro-football.ru хабар беради.
«Бока Хуниорс» таркибни тезкор кучайтиришга муҳтож ва Делгадо ҳамда Рикельме жамоани янги футболчилар билан тўлдириш масаласида биргаликда иш олиб боради.
Делгадо футболчилик фаолиятида ҳам танилган: у 1995-2002 йилларда Аргентина терма жамоасида 18 та учрашув ўтказган, жумладан 1998 йилги Жаҳон чемпионатида ҳам майдонга тушган. 2003 йилда эса у «Сантос» ҳужумчиси Рикардо Оливейра билан бирга Либертадорес кубогининг энг яхши тўпурари бўлган.