«Барселона» 16 ёшли вингер Ажай Таваресни қўлга киритди
«Барселона» 16 ёшли қанот ҳужумчиси Ажай Таварес билан шартнома тузиш бўйича келишувга эришди. Инсайдер Фабритсио Романо хабарига кўра, «Норвич» тарбияланувчиси яқин вақт ичида каталонияликлар сафига келиб қўшилади. Бу ҳақда euro-football.ru хабар беради.
Ёш футболчига Германиянинг бир қатор клублари ҳам қизиқиш билдирган, бироқ Таварес танловни «кўк-анорранглилар» фойдасига қилган.
Таварес ҳозирча «Норвич»нинг ёшлар жамоасида тўп сурмоқда ва асосий таркибда ҳали дебют қилмаган. Жорий мавсумда у 11 учрашувда майдонга тушди, аммо гол ёки ассист қайд эта олмади.