Леаунинг фаолиятини Малдинининг шахсий қўнғироғи ўзгартирган
Португалиялик ҳужумчи Рафаэл Леау "Милан"га ўтиши аввал бошда унчалик кўнглига ёқмаганини айтди. Футболчининг сўзларига кўра, вазиятга клуб афсонаси Паоло Малдинининг шахсан ўзи қўнғироқ қилгани катта таъсир кўрсатган. Бу ҳақда euro-football.ru хабар беради.
Леау 2018 йилда "Лилл"да қолишни истаган: жамоа Чемпионлар лигасига чиққани учун у ушбу турнирда ўйнашни мақсад қилган. "Милан"дан таклиф тушганда дастлаб рад этишга уринади, бироқ Малдинининг қўнғироғидан кейин қарорини ўзгартиради. Ҳужумчи Малдини ва Роналдиньо болаликдаги кумирлари бўлганини ҳам таъкидлади.
Эслатиб ўтамиз, Рафаэл Леау 2019 йилдан бери "Милан" шарафини ҳимоя қилиб келмоқда.