ПСЖ юлдузи Жоау Невеш билан шартномани узайтирмоқда

Париж Сен-Жермен ярим ҳимоячиси Жоау Невеш клуб билан янги меҳнат шартномасига яқин турибди. Томонлар 2030 йилгача мўлжалланган келишув шартларини маъқуллаган, дея хабар беради «Gazeta.Ru» Фабритсио Романо маълумотларига таяниб. Бу ҳақда euro-football.ru хабар беради.

Қайд этилишича, 21 ёшли португалиялик хавбек янги битим доирасида маошини ошириб олади. Невеш ПСЖ сафига 2024 йил ёзида «Бенфика»дан 65 миллион евродан ортиқ сумма эвазига келиб қўшилганди.

Ҳозирги шартномаси 2029 йилда якунланиши белгиланган футболчи бу мавсум Луис Энрике жамоасида барча мусобақаларда 23 ўйинда 6 гол урди ва 2 ассист қайд этди.