«Галатасарай»да маошлар кечикмоқда ва ички муаммо кучаймоқда
«Коньяспор»дан кутилмаган мағлубиятдан сўнг «Галатасарай» ичида муаммолар борлиги ҳақида хабарлар тарқалди. TR24 маълумотига кўра, жамоа футболчилари маошларини ололмаяпти. Бу ҳақда euro-football.ru хабар беради.
Манбага кўра, бу ҳолат кетма-кет уч ойдан бери давом этмоқда. Клуб раҳбарияти эса вазият бўйича расмий изоҳ бермаётгани матбуот ва мухлислар қизиқишини янада оширмоқда.
Маҳаллий журналист Ҳалик Юрекли сўнгги воқеалар фонида «Галатасарай»нинг чемпионлик имконияти жиддий савол остида қолаётганини таъкидлади.
Ҳозирча жамоа чемпионатда 55 очко билан пешқадам, бироқ 52 очкога эга ва захирада бир ўйини бор «Фенербахче» қувиб етиши мумкин.