Лапорта ПСЖ Ямалга 250 млн евро таклиф қилганини айтди

Каталониянинг «Барселона» клуби президенти Жоан Лапорта франсузларнинг «ПСЖ» жамоаси «кўк-анорранглилар» қанот ҳужумчиси Ламин Ямални сотиб олишга уринганини маълум қилди. Бу ҳақда euro-football.ru хабар беради.

Лапортанинг сўзларига кўра, парижликлар икки йил аввал Ямал трансфери учун 250 миллион евро таклиф қилган, бироқ «Барселона» бу таклифни рад этган. Ўшанда Ламин 17 ёшда бўлган ва бундай қарорни айримлар «ақлдан озиш» деб баҳолаган. Бу ҳақда инсайдер Фабритсио Романо ижтимоий тармоқларда ёзди.

Қайд этилишича, 2025 йилда Ямал «Олтин тўп» учун овоз беришда иккинчи ўринни эгаллаган.

Испан футболчисининг бозор қиймати 200 миллион еврога баҳоланмоқда. Ямалнинг «Барселона» билан амалдаги шартномаси 2031 йил июн ойи охиригача мўлжалланган.