«Ан-Наср» устози Роналдунинг нега ўйнамаcлигини тушунтирди

«Ан-Наср» бош мураббийи Жорже Жезуш Криштиану Роналду яқинлашиб келаётган учрашувни ўтказиб юборишини изоҳлади. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида «Аркадаг»га қарши майдонга тушади. Португалиялик юлдуз ҳужумчи яқин орада яна сафга қайтиши кутилаётган бўлса-да, айнан шу баҳсда у таркибда бўлмайди.

Жезушнинг айтишича, жамоа тиғиз тақвим сабаб Роналду ва асосий таркибдаги айрим футболчиларга дам беришга қарор қилган. Мураббий бунинг асосий сабаби сифатида олдинда «Ал-Фатеҳ»га қарши муҳим ўйин борлигини таъкидлади.

Al Nassr Zone келтирган иқтибосда Жезуш: «Роналдунинг дам олиши янгилик эмас. Бу унинг Саудия Арабистонидан ташқарида ўтадиган учрашувларда майдонга тушмай қоладиган илк ҳолат эмас», — деди.

Саудия чемпионати доирасидаги «Ал-Фатеҳ» — «Ан-Наср» учрашуви шанба, 14 февраль куни бўлиб ўтади.