Сёмин Сафонов ПСЖ асосидан ўринни меҳнати билан олди
Россиялик таниқли мураббий Юрий Сёмин ПСЖ дарвозабони Матвей Сафонов ҳақида фикр билдирди. Сўнгги учрашувларда француз клуби посбони жамоанинг асосий таркибида тобора кўпроқ кўриниш бермоқда. Бу ҳақда euro-football.ru хабар беради.
Сёминнинг айтишича, Сафонов ПСЖдаги асосий таркиб учун курашда меҳнатсеварлиги билан ажралиб турди. Мураббий дарвозабон учун руҳий барқарорлик ҳал қилувчи омил эканини таъкидлаб, Сафоновда ўз кучига бўлган ички ишонч борлигини қайд этди.
Жорий мавсумда Сафонов парижликларга FIFA Қитъалараро кубогини қўлга киритишда ҳам ёрдам берди. У бразилиялик “Фламенго”га қарши ўйиндан кейинги пенальтилар сериясида 4 та зарбани қайтариб, жамоасининг ғалабасига катта ҳисса қўшди.