Эдди Ҳау «Қарабах» устидан ғалабани танқидий баҳолади

Чемпионлар лигасида «Қарабах»га қарши 3:2 ҳисобида якунланган жавоб учрашувидан сўнг «Ньюкасл» бош мураббийи Эдди Ҳау ўйин ҳақида фикр билдирди. «Сорокилар» икки ўйин натижасига кўра 9:3 ҳисобида устун келиб, 1/8 финал йўлланмасини қўлга киритди. Бу ҳақда euro-football.ru хабар беради.

Ҳау жамоа 2:0 ҳисобида олдинга чиққанидан кейин ўйин суръатини тушириб юборганини таъкидлади. Унинг айтишича, бу атайлаб қилинмаган бўлса-да, табиий ҳолат сифатида юз берган ва иккинчи бўлимда «Ньюкасл» ортиқча куч сарфлаган ҳолда рақибга етарли босим ўтказа олмаган. Мураббий Amazon Prime'га берган интервьюсида учрашувнинг иккинчи ярми ўзини кўнгилдагидек қониқтирмаганини айтди.

Чемпионлар лигаси 1/8 финалида «Ньюкасл» «Барселона» ёки «Челси»дан бири билан тўқнаш келади. Кейинги босқич ўйинлари 10–11 ва 17–18 март кунлари ўтказилиши режалаштирилмоқда.