«Барселона» АПЛдан арзонроқ ҳимоячини нишонга олди
«Барселона» мудофаа чизиғини кучайтириш учун турли вариантларни кўриб чиқмоқда. The Touchline хабарига кўра, каталонияликлар «Борнмут» ҳимоячиси Маркос Сенесини юқори баҳоламоқда. Бу ҳақда euro-football.ru хабар беради.
«Кўк-анорранглилар» бош мураббийи Ханс-Дитер Флик Сенесининг ўйин услуби жамоада ўтган мавсум тўп сурган Иниго Мартинесга яқин эканини таъкидламоқда.
Манбага кўра, клуб 28 ёшли аргентиналикни «Интер»дан Алессандро Бастонига нисбатан анча ҳамёнбоп муқобил сифатида кўрмоқда.
Сенесининг «Борнмут» билан амалдаги шартномаси 2025/2026 мавсуми якунигача мўлжалланган. Шу сабаб, агар келишув узайтирилмаса, футболчи келаси ёзда эркин агент сифатида қўлга киритилиши мумкин.