Слуцкий бошқарувидаги «Шанхай Шэньхуа» «Бурирам»га ютқазди
Осиё Чемпионлар Лигаси гуруҳ босқичида етти турдан сўнг «Шанхай Шэньхуа» плей-офф йўлланмаси учун имкониятларини бой берди. Саккизинчи турда «Бурирам Юнайтед»га қарши учрашув Леонид Слуцкий жамоаси учун турнир билан хайрлашиш олдидан сўнгги уриниш эди, бироқ «эшикни қарсиллатиб ёпиш» амалга ошмади. Бу ҳақда euro-football.ru хабар беради.
Учрашув 2:0 ҳисобида Таиланд клуби фойдасига якунланди. «Бурирам Юнайтед» биринчи тайм бошидаёқ икки бор рақиб дарвозасини ишғол қилиб, ўйиннинг боришини кескин ўзгартирди. Орадан кўп ўтмай «Шанхай Шэньхуа» бир футболчисидан айрилиб, майдонда камчиликда қолди ва бу ҳолат интрига деярли йўқолишига олиб келди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.